قصيدة صبرا يا وطن - للشاعر زياد البصراوي

صبرآ يا وطـن بس صبرك ليا وين .؟
كافي تگول باچـر محد بحالـــك..

گوم انتَ عله حيلك وأذبـح الجـلاد
عشرينــك بعدهه تحشم بفالك ..

مثل ميمون اشوفك مارضه عله الصار
أركـض وأنتــفض بـــس وينــه خيآلــك ..!

شلون لهسه ساكت وأنتَ أبن شعـلان
وكــل عشرة بگبر متوسدة اطــفالك ..؟

شلـون انطاك گلّبك نبقـى مذبوحين
مضيفك سده كافــي وكَسر دلالك ..

صفت لأهل الكراسي وكلهه تآكل بيك
وانتَ( أيـوب )بعــدك ساكت شمالـك ..؟

ناس تبيع بيـك ونآس بيك تبيـع
وجوعان الشــعب وميتمّـة عيالـك ..

اهلك بايعينك لليــصّح شـرآي
والف شرآي واگــف يآكل بجالك ..

حزنانـه الشـوآرع والطريق طويـل
ومتيّه وطنــه ويـــــاهو ليطلعـه ...؟

خمستالاف حاكم وآنه دمي يسيـل
وبكــل بيت ميت .. كل فرع قطعـه ..

أبنك. يكتل ابنك أدري ترهم ويـن .؟
غدر وبظهـر اخوكـ الخنجر تزرعـه ...

بعده الوضع نفسه وباقي نفس الحال
نفسه الرآح اجانـه وضربه في تسعـه ...!!!

اي والله
وعذرا يا وطن عذرا ..... لو كتلك بعد صبرا
حبيبي تعدن الصعبات ...... وجروحك بدن يبرن
حبيبي يا وطن ..حبيبي يا وطن
مشكور اخي قناص القلوب
والف شكر للشاعر المبدع زياد البصراوي

شنو انت شوق العراقي هاي انت هم شاعر
ننتضر منك مشاركات شعريه مو بس ردود
نورت الموضوع بمرورك

شعر حلو عاشت ايدك قناص القلوب

» قصيدة (أمي) - للشاعر غانم الفياض
» قصيدة اثوابك من ثلج ياطائفي اتموع