الزواج اكبر عذاب

ِ

الزواج اكبر عذاب
الزواج اكبر مصيبه
مضيعه لوكت الشباب
والمحب يكره حبيبه
تباوع لفد وحده حلوه
وتوكع براسك مصيبه
لازم تروح لاهلهه
تطلب ايديهه المريبه
الاهل يرضون طبعا
انت عريس النهيبه
تنزل لسوق الملابس
ايدك بايد الخطيبه
وهاي تنوره تخبل
وذيج قراصه رهيبه
ولازم ترضي حماتك
حته لو رادت مصيبه
بعد شهر يفوت ابيض
تنزل غيوم الحبيبه
لازم تروح لاهلهه
وهيه عن اهلك غريبه
لازم تشوف المدبلج
والاكل انته تجيبه
ولمه تنجبلك طفل
تبقه حاير بالطبيبه
والولد ماعنده طوبه
الولد خلص حليبه
الولد دخل المدارس
الولد درس الاميبه
بالنهايه تصير مجرم
وتوكع براسك مصيبه
حته لتشوف المصايب
لاتفكر بالحبيبه
تبقه مرتاح الليالي
والالم بالك تجيبهِ

هيه قصيده حلوه بس ولا بنيه راح توافق عليهه
واذا قروهه الشباب يبطاون ميتزوجزن
بليه شي العوانس تلاثه بربع فوكاهه تنزل هاي القصيده
عاشت وايدك وننتضر منك قصده ترضي بيهه الي زعلو ِ

ان شاء الله محد يزعل وهاي القصيده مو دعوهه للشباب حته يبطلون
هاي القصيده دعوه للبنات حته يخففون عن الشباب شويه
شكرا لمرورك وشكرا للتنبيه
نورت الموضوع

قناص القلوب هي القصيدة حلوة بس مثل ما كالت عروس بغداد

ولا بنية توافق عليه واذا الشباب ميريدون يتزوجون لا يباعون على البنات

-------

شكراً

» فحوصات ماقبل الزواج