قصيدة (أمي) - للشاعر غانم الفياض

امي .. امي سجادة صلاتي
بليل الولاية الغريبة
و امي اجمل لوحة بعيون الحبيبة
امي الولاية الوحيدة التنطي كلشي ... تنطي كلشي بلا ضريبة
امي تاريخ العراق بين ايديها
امي يا طير الاشوفة يكول سلملي عليها
امي ما تعرف تعاتب و العتاب يضيع باول ضحكة من نكبل عليها
بس تموت من القهر بالعيد اذا محد يجيها
و احنة ننذب شوكـ و نعرف حزنها
مثل ما جنا كبل وكت الطفولة ننام بس نندل ثديها
و امي بأيام الحرب دمعتها ساتر
يمنة جانت عينها و نسمع بجيها
و آني اتحدى اليدور ذاكرة كل الحروب
و ما يشوف عيون ام و دمعة بيها
الشاعر غانم الفياض

شكرا قناص القلوب على هذه المشاركه الجميله
واني فعلا احب الشعر الشعبي
وهذا الشعر عن الام اكيد يعجبنه

اهلا بيك شوق والف هلا بمرورك
الحمد لله ان الموضوع عجبك
نورت الموضوع يا عراقي

شعر جميل قناص القلوب عاشت ايدك

عاشت ايد الشاعر
وعاشت ايد الي رد على الشعر
نورتي بنوته

» قصيدة صبرا يا وطن - للشاعر زياد البصراوي
» قصيدة اثوابك من ثلج ياطائفي اتموع